“Ano gising ka na?” Pang’asar na tanong ni Elliot.

Sumandal si Avery at minasahe ang ulo niya. “Oo kasi ginising mo ako. Bakit ka ba tumawag?”

“Nakita ko na umalis ka ng alas diyes imedya kagabi, Avery. Saan ka pumunta?” Walang paligoy-ligoy na tanong ni Elliot.

Sinipa ni Avery si Mike, na nakaupo sa tabi niya at tinignan niya ito para senyasan bago niya sagutin ang tanong ni Elliot.

“Nag’inom si Mike kagabi. Tinawagan ako ng bar para sunduin siya. Lasing na lasing siya kagabi at natatakot ako na baka magising niya ang mga bata kaya sa hotel kami nagstay kagabi. Bakit? Wag mong sabihin na gusto mo ring mag bar hoping? Sabihan ko ba siya na yayain ka sa susunod?”

Kumunot ang noo ni Elliot.

‘Bakit iba ang sagot ni Avery sa iniisip ko?’

“May iba ka pa bang tanong?” Tanong ni Avery habang humihikab. “Kung wala na, matutulog na ako ulit. Pagod na pagod ako kagabi dahil nagpaalaga sa akin si Mike..”

Noong akala ni Elliot na ibababa na ni Avery ang tawag, bigla itong nagpahabol ng