Noong panahong nawala si Shea, handang maglabas si Elliot ng fifty-five million dollars bilamng ransom kaya nagkagulo ang buong bansa para hanapin ito. Ni isang beses, hindi niya pinagdudahan na si Avery ang kumidnap sa kapatid niya.

Hindi napaghandaan ni Avery ang naging salubong sakanya ni Elliot. Base sa tono ng pananalita nito, mukhang kumbinsido ito na talagang kinidnap niya si Shea.

Noong araw na yun, hindi niya alam kung anong gagawin niya. Sobrang taas ng lagnat ni Shea.

‘Kung binalik ko si Shea noong gabing yun habang inaapoy siya ng lagnat, hindi kakayanin ng konsensya ko yun.’

“Oo!” Sigaw ni Avery, “Masayang masaya ako na makita kang nahihirapan!”

Bigla, namatay ang lahat ng ilaw.

“Ah!” Takot na takot si Shea kaya naghanap siya ng mayayakap.

Napatalon si Mike. “Bakit mo ako niyayakap? Bitawan mo ako!”

“Natatakot ako! Natatakot ako!” Naiiyak na si Shea sa sobrang takot. Nang marinig yun ni Mike, huminga siya ng malalim at naisip na wala namang problema kung yayaki