Malungkot kasi ang Daddy niyo kaya sinamahan ko nalang siya….” Nag aalalang sabi ni Avery. “Sana naman ay hindi niya masamain”

“Sigurado akong hindi ganun si Layla, Mommy. Hindi naman siya yung tipo na nagtatanim ng sama ng loob eh. Masaya na siyang hindi kayo tumututol sa plano nilang pagpapakasal ni Bayaw Eric.”

“Ha? Ganun na ang tawag mo sakanya?” Natatawang tanong ni Avery.

"Magkasama na sila sa bahay, kaya kailangan ko nang baguhin ang tawag ko sakanya. Hindi naman din siya tumanggi eh.”

“Walang ring problema sa akin kahit pa anong itawag mo sakanya. Talagang desidido na rin naman ang ate mo sakanya.” Sa wakas, nakahinga ng maluwag si Avery matapos niyang marinig na walang sama ng loob si Layla. “Oo nga pala, pumunta dito si Mr. Gadner kaninang umaga. Ang sabi niya ay napadaan lang siya kasi nandito lang din siya sa area, at itext mo raw siya kung kailan ka free para maitour ka noiya sa TV station nila.”

Tumango si Ivy. “Opo, pero kailangan ko pong mag review sa exam namin k