Sumimangot si Gerald nang makita niya ang pag-aalala ni Nori. Sa bagay, masyadong mabilis ang kilos ng mga mula sa Hulkeroic Union.

Huminto ng saglit si Gerald bago siya nagdesisyon, “…Mag-impake na kayo. Aakyat tayo sa bubong ngayon!"

Nang marinig iyon, mabilis na kumilos ang grupo para gawin ang inutos ni Gerald. Di-nagtagal, silang lima ay tumalon sa bubong mula sa bintana ng hotel. Ang plano ngayon ay ang manatili doon at obserbahan ang mga susunod na pangyayari...

Wala pang ilang segundo matapos silang makaakyat sa bubong nang magsimulang pumasok si Xuio at ang kanyang mga tauhan sa hotel.

Matapos tanungin ang may-ari ng hotel, nalaman ni Xuio na naririto pala ang mga hinahanap nila. Dahil doon, agad na inutusan ni Xuio ang may-ari ng hotel na ihatid sila sa kwarto ni Gerald.

Pagdating nila sa pinto, sinipa ito ng malakas ni Xuio bago niya inutusan ang kanyang mga tauhan na sumugod!

Gayunpaman, mabilis nilang napagtanto na wala palang laman ang kwartong ito!

Nakataas