"Aiden, kilala mo naman ako, ako ang tipo ng tao na hindi mahilig habulin ang mga babae! Ginagawa ko lang ang ginawa ko dahil kailangan kong magpatulong sa babaeng iyon!" sagot ni Gerald habang umiiling na may pilyong ngiti sa kanyang labi.

Hindi na ipinaliwanag ni Gerald kay Aiden ang katotohanan na kailangan niya ang dugo ng babaeng iyon dahil ayaw niya itong mag-alala sa kanya.

Dahil malaki na ang naitulong sa kanya nina Aiden at Yoel noon, ayaw na ni Gerald na idawit pa siya sa kanyang gulo lalo na’t maayos na ang kanilang buhay. Mas mabuting in general na lang ipaliwanag ni Gerald ng mga bagay.

“Hahaha! Sige, sige... Mabuti na lang at nakasalubong mo ako! Kung hindi mo alam, magaling ako pagdating sa mga babae!" sabi ni Aiden sabay tawa.

"Sinabi ko na sayo na hindi ko siya sinusubukang ligawan... Gusto ko lang hingiin ang kanyang tulong sa isang bagay!" bulong ni Gerald.

"Naiintindihan ko… Pero parang nililligawan mo na rin siya base sa sinabi mo!"

“…Oo nga, maswerte a