Tumanggi siyang maniwala na patay na si Mr. Sloane. Paano magpapadala ng sulat ang isang patay?

“Itigil mo muna ang kakaisip nito ngayon, Ari. Dahan-dahan nating gawin ang bagay na ito. Tutulungan din kitang pag-aralan ang pangyayaring ito. Ipinasa ko sayo ang sulat na ito ilang sandali lamang matapos kong matanggap ito. Base sa distansya mula dito patungo sa capital, hindi matagal bago matanggap ang sulat. Ang nagpadala ay buhay, o kahit papaano, noong nagpadala siya ng liham buhay pa siya. Pwedeng gumamit siya ng maling address para maipadala ang liham dahil ayaw niyang malaman mo kung saan siya nakatira ngayon. Hmm, hindi ako sigurado kung ano ang nangyayari dito, pero sigurado ako na hindi pa patay si Mr. Sloane. 'Wag kang panghinaan ng loob. Dahil ipinadala niya ang unang sulat, magpapadala siya ng isa pa sigurado. Maghintay lang tayo! Baka ayaw niya na subaybayan natin siya, pero hindi niya tayo maiiwan na nakabitin nang ganoon na lang, tama ba?" Sinubukan ni Tiffany ang kanyan