Kakakuha lang ni Donoghue ng dragon ball mula kay Darryl noong bigla niyang marinig ang mga sigaw mula sa labas. Dito na siya nagulat nang husto sa kaniyang narinig.

“Ganito kabilis dumating ang binatang si Ambrose at ang kapatid niyang si Eira? Pero hawak ko na ngayon ang dragon ball kaya ano pa ang dapat kong alalahanin?” Isip ni Donoghue.

Agad ding narinig nina Darryl at Yvette ang mga sigaw mula sa labas, dito na nagbago ang kanilang mga mukha.

“Si Young Master Vikara at si Donoghue ay iisa? Paano ito naging posible?” Malinaw itong narinig ni Darryl. Ang boses na nasa labas ay nagmula sa anak niyang si Eira.

Anak niya si Eira, isa itong matalino at mabait na anak, kaya sigurado si Darryl na hindi lang nito gawa gawa ang kaniyang mga sinasabi.

Dito na nagbago ang kaniyang itsura habang direktang sinasabi kay Donoghue na, “Ikaw…”

Nakita ni Donoghue ang pagsisimula ng pagdududa sa mukha ni Darryl kaya kaagad siyang umirap habang nagdedesisyong ipakita na sa mga ito ang tunay niy