”Zhang Jue!” Nanginig si Gonggong sa matinding inis sa pag-uutos ni Zhang Jue na hulihin siya. “Huwag mong tatangkain na gawin iyong para sa iyo; alam mo ang totoo kung pinagtaksilan ko ba ang North Moana. Ikaw ang taksil na gustong makakuha ng kapangyarihan at sirain ang aming alyansa sa Nine Mainland dahil wala na ang Kamahalan.” Pinadyak ni Gonggong ang kaniyang paa at eleganteng lumundag sa ere para harapin ang daan-daang mga sundalong palapit sa kaniya.

Alam nitong matagal nang naghihinala sa kaniya si Zhang Jue, kaya isa lamang dahilan ang nangyari nang araw na iyon para patayin siya. Alam din nitong kahit sumuko siya ay hindi siya hahayaang mabuhay ng lalaki. Kung ganoon ay mas mabuti na lamang ang kalabannin ito.

Sa isang kisapmata ay pinalibutan si Gonggong ng daan-daang mga sundalo. Mabilis niyang matatalo ang mga ito nang hindi pinagpapawisan, pero dahil kalangan pa nila ang mga sundalo para sa digmaan laban sa Raksasa ay itutulak lamang niya palayo ang mga ito.

Inobserba