Nang makalabas silang tatlo. Hindi lang si Ambrose dahil maging ang magkapatid na Dunn ay nasabik at mangiyak ngiyak matapos makatakas sa barracks na iyon.

“Kuya Sven!” Hindi maiwasang magtanong ng natutuwang si Ambrose, “Ngayong nakaalis na tayo. Saan niyo naman balak na pumunta ni Ate Tyra?”

“Pinaplano kong magaral at sumunod sa isang master!” Nakangiting tingin ni Sven kay Ambrose, “Alam mo ba kung ano ang Incandescent Sect? Nawasak sila noong una pero kumalat ang balita na gusto raw itong itayo ng nakaligtas nilang Sect Master sa Guangming Peak na may ilang dosenang kilometrong layo mula rito.”

Hindi na maitago pa ni Sven ang kaniyang pagkasabik nang sabihin niya iyon.

“Narinig kong kumukuha na raw ang Deputy Sect Master nilang si Matteo Hanson ng huli niyang mga disipulo, kaya naisip naming na subukang sumunod sa kaniya!” Sabi ni Sven habang nagpapakta ng determinadong mukha.

Isang kilalang tao si Deputy Sect Master Matteo Hanson sa larangan ng martial arts na kung saan nakil