“Sandali lang Ambrose, ihahanap kita ng doctor,” Sabi ng nababahalang si Yvette. Nasaktan siya nang husto sa mga sandaling iyon matapos magkasakit ni Ambrose.

Kinarga niya si Ambrose at tumakbo sa abot ng kaniyang makakaya!

Lumipas na ang hatinggabi at ang buong Royal City ay nabalot na ng katahimikan. Wala na ring kahit na isang tao ang makikita sa malalapad nitong mga kalye.

Agad na kumatok nang malakas si Yvette sa pintuan nang makarating sila sa isa sa mga pinakamalalaking clinic sa Royal City.

Bang! Bang! Bang!

Halos mawala na sa kaniyang sarili ang sumisigaw na si Yvette, “Doktor! May doktor ba rito? Dalian niyo nang buksan ang pinto! Iligtas ninyo ang batang ito!”

Nakita ni Yvette ang walang malay na si Ambrose. Pero masyado nang mainit ang mukha nito habang mas malakas na nanginginig ang kaniyang katawan kaysa kanina, nagbabalat na rin ang mga labi nito.

“Buksan ninyo ang pinto! Bilisan ninyong buksan ang pinto!” Nagpatuloy sa pagsasalita si Yvette habang sinisipa ang pi