Napangiti sa mga sandaling iyon si Sawyer habang naglakakad palapit kay Yvette. “Kamahalan, binigyan ako ng aking kaibigan ng isang napakagandang bagay kahapon. Sinasabi nila na maaari ka raw lumipad gamit ang bagay na ito, tinatawag nila itong glider. Gusto mo ba itong subukan sa aking tahanan?”

Para kay Sawyer, wala na siyang pakialam kung mabubuhay ba o mamamatay si Lord Kenny. Dahil ang pinakaimportanteng bagay sa kaniya ay ang pagpapalalim sa relasyon nila ng Prinsesa. Walang kaduda duda na papayag ang Emperor na pakasalan niya si Yvette sa sandaling hingin niya ang kamay nito.

“Lumayo ka nga sa akin!” Sermon ni Yvette habang tumatalikod at agad na umaalis nang hindi tinitingnan si Sawyer.

Natigilan naman si Sawyer habang nabablangkong tinitingnan ang papalayong imahe ni Yvette. Matagal tagal din siyang kinain ng kaniyang isipan habang nakatayo sa loob ng main hall.

Kinagabihan, sa loob ng kulungan sa palasyo, dalawang mga Royal Guard ang makikitang nakatayo sa entrance ng isa