Ang Mount White ay nasa loob ng bulubundukin ng Sol. Isa itong natural na kagubatan na walang taong nakatira sa malapit.

Sa isang bakanteng lugar sa Mount White…

Sunod-sunod na lumapag ang higit sa isang dosenang helicopter.

Si James ang naunang bumaba ng helicopter.

Sumunod si Blake sa likuran niya.

Bumaba rin sina Daniel at ang mga sundalong kasama niya.

Tinignan ni James ang paligid.

Napapalibutan sila ng mga bundok. Sa isang tingin, may makakapal na puno at matatarik na bundok sa paligid. Hindi makita ang hangganan nito. Hindi napigilan ni James na magtanong, "Kung ganun, Mr. Blake, saan mo ba to eksaktong tinago?"

"Masyado ka namang pormal, James. Tawagin mo na lang akong Blake. Para namang ang layo ng relasyon natin," mapagkumbabang sagot ni Blake. Pakiramdam niya ay hindi siya nararapat na galangin nang ganito lalo na't isa lang siyang tauhan.

Tinuro ni Blake ang bulubundukin sa harapan at nagsabing, "Sa ilalim ng bundok na yan."

Huminto siya sandali at nagpat