Naglakad si James sa kalsadang walang katao-tao. Dumating siya sa isang kalye kung saan dating nakatayo ang Common Clinic. Dati itong isang masiglang daan, pero naging mapanglaw na ito ngayon. May ilang tao sa daan, pero lahat sila ay may sakit at para bang malapit nang mamatay.

Huminga nang malalim si James.

"Mukhang umikot na sa mundo ang Curse Magic at lahat na ng tao sa Earth ay naapektuhan na. Kailangan kong mag-isip ng paraan para matanggal ang sumpa. Kung hindi, hindi magtatagal ay katapusan na ng sangkatauhan."

Pagkatapos bumuntong-hininga, binuksan ni James ang Celestial Abode at pinalabas ang lahat sa loob. Dahil nailipat kay James ang sumpa sa mga katawan nila, kasalukuyan silang malulusog. Nang nakita nila ang eksena sa daan, nanahimik sila.

Sabi ni James, "Nakabalik na tayo sa Earth at tinanggal ko ang mga sumpa sa loob ng katawan niyo para ilipat sa'kin. Gawin niyo ang kahit na anong gusto niyo mula ngayon."

Naglakad si Thomas papunta sa kanya at nagtanong, "Anong