Sabi ni James, "Tinanong ko si Ms. Sophie. Malala ang mga sugat niya. Hindi magandang ideya kung idadamay natin siya. Gusto niyang mag-imbestiga muna ako kung meron bang Quasi-Emperor na nagbabantay sa bodhi tree. Kung meron, kakalimutan natin to. Kung wala, pwede tayong kumilos."

Nang marinig iyon, namroblema si Henrik. Tumayo siya, nagpabalik-balik sa malapit, at nagsabing, "Mag-imbestiga? Paano tayo mag-iimbestiga? Limitado ang kakayahan natin. Napakahirap na imbestigahan ang Labhrann Clan."

Napaisip din si Qusai. Pagkatapos nito, bigla siyang may naisip. Sabi niya, "Mr. Caden, pwede mong tanungin si Brielle. Malapit mo na siyang pakasalan kaya pwede mong gamitin ang pagkakataong iyon para tanungin siya tungkol sa Labhrann Clan."

Nabuhayan din si Henrik at nagsabing, "Oo nga. Bakit di ko naisip yun?"

Marahang tumango si James at nagsabing, "Yun lang ang magagawa natin sa ngayon. Gayunpaman, hindi pwedeng ako ang lalapit kay Brielle. Kailangan kong maghintay sa kanya na lumap