Umatras ang lalaki sa takot na makasalubong ang titig ni Thea. Maganda siya at naglalabas ng aura ng katalinuhan.

Lumingon siya palayo at sumagot, "H-Hindi ako sigurado kung ang James Caden na hinahanap mo ay ang narinig ko noon."

"Magpatuloy ka," utos ni Thea.

Hindi nagtangka ang lalaking maglihim ng kahit na ano sa kanya at tapat na nagsabing, "Narinig kong ang pinakamagandang babae sa Mortal Dimension, si Brielle, ay ikakasal sa isang lalaki. James Caden daw ang pangalan niya."

"Papakasalan niya si James?" Hindi makapaniwalang sabi ni Thea.

Sumagot ang lalaki, "O-Oo. Gaganapin ang kasal sa Mount Lutheran."

Huminga nang malalim si Thea at nagtanong, "Gaano kalayo ang Mount Lutheran mula rito?"

Hindi napigilan ng lalaking sumilip kay Thea. Nang nagsalubong ang mga titig nila, lumayo siya ulit ng tingin at nagsabing, "N-Napakalayo nito mula rito. Gamit ng lakas mo, baka abutin ka ng tatlondaang taon kahit na maglakbay ka nang buong bilis. Gayunpaman, pwede kang pumunta sa