Napakataas ng katayuan ni Marcello sa Demon Race, pero siya ang unang natanggal. Tumayo siya sa labas habang pinapanood ang mga tao sa Five-Elements Painting.

Ilang tao ang nakatayo sa labas ng gazebo sa paanan ng bundok at napapalibutan sila ng mahiwagang inscriptions. Lumangoy ang mga inscriptions sa paligid ng katawan nila na parang mga butete habang naglalabas ng makukulay na sinag ng liwanag.

Nang nabalot siya ng mga mahiwagang inscription, hindi nakaramdam ng kahit na anong sakit si James. Sa halip, nakaramdam siya ng init sa buo niyang katawan. Napakamportable nito.

Tumagal ng higit isang minuto ang kaginhawaang ito bago siya nakaramdam ng sakit. Para bang pinupunit ang mga kalamnan niya ng napakaraming insekto. Pagkatapos, may matining na sakit sa ulo niya na parang may mga uod na gumagapang sa loob ng bungo niya.

Pumintig ang mga ugat sa mukha niya sa matinding sakit. Nakakatakot ang itsura niya.

Ganoon rin ang nararanasan ng iba. Sobrang sakit ng nararamdaman nilang