“Sa loob ng isang oras, magtatagpo ang dalawang hukbo.”

“Naiintindihan ko, maaari ka ng umalis.”

Kumaway si Jairo. Pagktapos, tinawagan niya si Yuvaan na nanatili sa Mount Bane.

“Patriarch, handa ang Sol para dito. Mayroon silang malaking hukbo ng mga cultivator na nasa Herculean Rank na umaabot sa daang libo. Sa kasalukuyang lakas ko, wala akong laban sa kanila. Maaari ka ba magpadala ng mga cultivator na makakatulong sa amin?”

Matapos ito marinig, naging malagim ang itsura ni Yuvaan. Isang malaking hukbo ng Herculean Rank na nasa daang libo ang dami? Kailan nagkaroon ng ganitong hukbo ang Sol?

Nagtanong siya, “Totoo ba ito?”

“Opo.”

“Naiintindihan ko.”

Ibinaba ni Yuvaan ang telepono. Pagkatapos, nilisan niya ang main hall at tumungo sa hardin. Isang kakaibang boses ang nagmula sa isa sa mga kuwarto.

Dumating siya sa harap ng pinto at kumunot ang noo niya bago siya kumatok.

“Sinong nandyan?” sagot ng isang boses.

“Ako ito,” sagot ni Yuvaan.

“Maghintay ka,” sagot ng boses.

Matapos ang i