Muling nakipaglaban si James sa Celestial Tiger.

Sa kasagsagan ng mainit na labanan, sinasalo lang niya ang mga atake ng Celestial Tiger. Dahil mababa pa ang rank niya, hindi niya kayang saktan ang dambuhalang Celestial Tiger gamit ng lakas niya.

Pagkaraan ng higit sa isang oras, muli nanamang napuno ng mga sugat ang katawan ni James. Muli niyang hinigop ang kapangyarihan ng Helios Pill. Gumaling agad ang mga sugat sa katawan niya pagkatapos niyang higupin ang kapangyarihan.

Tahimik na nanood si Yoan mula sa gilid.

Napakalubha ng mga sugat ni James. Sa karaniwang sitwasyon, matatagalan bago siya gumaling, ngunit nagawa niyang pagalingin ang mga sugat niya dahil sa paghigop sa kapangyarihan ng Helios Pill.

Talagang kamangha-mangha ang katawan niya. Maging si Yoan, na isang Sect Elder ng Welkin Academy, ay napahanga dito.

Pagkaraan ng ilang araw pagkatapos nito, nagpatuloy si James sa pakikipaglaban sa Celestial Tiger sa sinaunang gubat na ito. Ginamit niya ang pwersa ng pag-atak