Matindi ang laban nina James at Wendel sa loob ng Moonlit Ridge Painting.

Habang nagkakasalubong ang mga kapangyarihan nila, malinaw ang laki ng agwat ng lakas sa pagitan ng dalawa. Kahit na matindi ang lakas ni James, mas mababa ang rank niya kumpara kay Wendel. Hindi siya mananalo ng hindi ginagmait ang Sacrilegious Ascension.

Ngunit, wala siyang plano na gamitin ito. Pinupuntirya nga naman siya ng Divinity Sect dahil sa cultivation method na ito.

“Malakas ka.” Tinignan ni James si Wendel at sinabi, “Wala akong laban sa iyo.”

Hindi sinagad ni James ang lakas niya at itinago ang kakayahan niya.

Nagsalita si Wendel, “Nakikita ko na hindi mo pa ginagamit ang buong lakas mo. Labanan mo ako ng seryoso.”

Ngumiti lang si James at sinabi, “Sinabi ko na sa iyo, wala akong laban sa iyo. Bukod pa doon, ito na ang buong lakas ko. Sapagkat nakuha mo ang balak mo sa pagpunta dito, umalis ka na.”

Hindi siya naging pabaya. Kahit na may pagkakataon siyang dumiretso sa central region kapag natalo niya