Tumingin si Sky kay James ng may ngiti sa kanyang mukha. Subalit, sa loob-loob niya, nanggigigil siya sa inis. Malaking banta sa kanya si James. Kailangan niyang makahanap ng pagkakataon upang idispatya siya. Subalit, hindi pa ito ang tamang oras. Balak niyang tapusin si James ng palihim sa oras na matapos ang laban sa Nashaxi Desert.

Kahit na nasa parehong realm sila ni James, mas malakas ng kaunti ang True Energy ni James kaysa sa kanya. Wala siyang laban kay James kapag nilabanan niya siya ng harapan. Subalit, kung magagawa niya siyang dalhin sa isang patibong, magagawa niyang sugatan ng malubha si James kahit na gaano pa siya kalakas. Kapag nangyari iyon, ibang-iba ang kalalabasan nito.

Samantala, nakatingin si James kay Sky ng may ngiti sa kanyang mukha. Wala rin siyang tiwala kay Sky. Mula noong ginawan siya ng hindi maganda ni Tapio Cabral sa Mausoleum ni King Quavon isang taon na ang nakakaraan, lagi na siyang alerto. Mula noong umpisa pa lang, pinaghihinalaan na niya si Sky