"Wala lang talaga yun," Ngumiti si Sabrina.

"Marami akong dapat na ipagpasalamat sa'yo, posible kaya na ilibre kita ng hapunan?" masigasig na tinanong ng nanay.

Kahit kailan ay hindi masanay sanay si Sabrina sa tuwing pinupuri siya, kaya niyuko niya na lang ang ulo at ngumiti. Nung lumabas na si Aino sa classroom, agad siya lumapit para kunin ang kamay ni Aino at umalis na agad habang nagpapaalam sa nanay na kausap niya kanina.

"D'yos ko po, para sa isang babae na kasal sa isang mayaman at makapangyarihang lalaki, talagang napaka mapagkumbaba siya," sabi ng babae.

"Sumasang-ayon ako. Ngayon ko lang napagtanto na mas nagiging mapagkumbaba pala ang isang tao habang tumataas ang estado niya. Tingnan mo na lang si Mrs. Ford, pwede mo siyang lapitan na parang kapitbahay mo lang, samantalang yung ibang babae na bilib sa sarili nila sa mababang estado kung kumilos ay parang ang taas at tapang nila," sumagot ang isa pang nanay.

Sa hindi kalayuan sa kanila, may nakatayong tatlong mayayaman