Nang marinig ni Frost ang mga salita ng limang taong gulang na batang ito, nalimutan niya bigla ang sakit sa paa niya. Nasabik siya at nagsimulang magtanong, "Munting prinsesa, ano...anong sinabi mo? Pakiulit nga yun?"

Seryosong sinabi ng batang babae, "Kailangan din naman ng papa ko na makahanap ng babae na magiging asawa niya. Naging mabait ka naman sakin, maganda ka rin at maingat, kaya bakit hindi na lang ikaw ang ipakasal ko sa papa ko. Kasi kung ganon, magiging mabait ka na sakin palagi.

"Tama ba?"

"Tama yan! Makinig ka sakin, munting prinsesa. Ang tipo ng babae na papakasalan ng papa mo ay dapat maging importante para sayo. Isipin mo, pagkatapos pakasalan ng papa mo ang isang babae, kailangan mong tumira kasama siya. Paano kapag sinubukan kang saktan nung babae?" Pakiramdam ni Frost ay nakatagpo siya ng isang malaking oportunidad.

Inosente siyang tiningnan ni Aino. "Kaya nga gusto kitang tulungan sa papa ko."

"Sige, sige, prinsesa, sabihin mo sa akin kung anong dapat kong