Iisa lang ang babaeng nasa puso niya at yun ay si Sabrina, pero hindi niya kayang maging matigas sa babaeng nasa harap niya. Sobrang nakakaawa ng buhay nito. Isa itong malinis, inosente at napaka simpleng babae. Noong gabing ikwinento ni Isadora kay Sabrina ang nakaraan nito, narinig niya ang lahat at doon niya nakumpirma kung gaano ito kahina. Oo, masama siyang tao pero hindi niya kayang saktan ang taong alam niyang walang laban sakanya. Hindi maintindihan ni Holden kung ano ang nararamdaman niya.

Nagbuntong hininga si Holden bago siya natatawang sumigawm, “Hoy! Malvio Yeatman! Sigurado ka na ba sa desisyon mong ipapatay ako? Mag isip ka nga ng mabuti. Hindi uso ang pangalawang pagkakataon sa mundong ito. Ngayon na ang pinaka magandang pagkakataon dahil mahina si Sebastian! Masyadong nakatuon ang isip mo na makontrol ang buong South City, pero hindi mo ba naisip na kailangan mo ng taong susuporta sayo. Isang makapangyarihang tao na gaya ni Rose Quinton! Hindi mo ba naisip yun? Ha ha