Sumasang ayon siya sa hiyawan ng mga bisita nila dahil tunay ngang napaka ganda ng kanyang bride. Para sa mga hindi nakakaalam, mahirap paniwalaan na nasa forty na ito dahil sa taglay nitong ganda, ngunit malaki rin ang ambag ng mga pinagdaanan nito sa buhay para mas lalo pa itong gumanda.

Bagay na bagay sa mukha at hubog ng katawan ni Hana ang wedding dress na suot niya. Simple lang ang design nito ngunit sobrang elegante. Sobrang haba nito kaya para siyang diwata noong naglakas siya. Napaka minimalistic lang din ng design sa harapan dahil mayroon lang itong kumbinasyon ng mga tunay na white at blue diamonds. Si Sabrina ang nakaisip nun na personal nitong pinadisenyo sa kaibigan nito. Bagama’t limitado lang ang mga naging pagkilos ni Sabrina, sinigurrado naman ni Sebastian na maasikaso niya ang lahat kaya pansamantala muna siyang nag leave sa trabaho.

Hindi man tunay na magkapatid sina Sabrina at Zayn, hindi maikakaila na mahal na nahal ito ng buong pamilya ni Sebastian dahil kung