“Yvonne, okay naman si Marcus diba?” Nag aalangang tanong ni Sabrina.

Huminga ng malalim si Yvonne. “Oo, si Marcus mabuting tao, pero yung lolo niya? Hindi. Nakakatawa nga eh kasi ang lakas ng loob niyang mangaral kung ano ang mabuti at hindi, eh siya nga mismo hindi alam kung ano ang konsepto nun. Kahit tatlong taong gulang na bata na mismong dugo’t laman niya pa ha, hindi niya pinalampas, paano pa kaya sa ibang tao, diba? Kahit gaano kabuti ang nagawa mo sakanya, walang utang na loob yung matandang yun dahil pag sinabi niyang ayaw niya sayo, ayaw niya sayo. Kaya hindi rin talaga kita masisisi kung bakit hindi mo siya matanggap bilang lolo mo.”

“...” Hindi alam ni Sabrina kung paano siya sasagot. Tama naman ang lahat ng sinabi ni Yvonne. Hindi naman siya galit kay old Master Shaw, pero para sakanya, mas mabuti ng isipin niya na wala silang relasyon. Hindi niya naman inakala na maaapektuhan pala si Yvonne ng naging desisyon niya.

“Pasensya ka na, Yvonne…” Nahihiyang bulong ni Sabr