Ang sinabi sakanya ni Emma ay ginamit nito ang galing nito sa kama para makapunta kung nasaan man ito ngayon at ang rason kung bakit siya tinawagan nito ay para makipagtulungan sakanya na mapabagsak si Sabrina.

Sabrina Scott! Yung bwisit na babaeng yun!

Noong umuwi siya, ni hindi man lang siya pinabuwelo nito at talagang pinabugbog siya kaagad nito sa dalawang kaibigan at doon sa walang kwenta nitong anak! Si Sabrina ang dahilan kung bakit ayaw na sakanya ni Alex! Dahil sinira ng mga ito ang mukha niya! Pero ngayong sakanya na nakapanig ang kapalaran, hinding hindi siya magdadalawang isip na pabagsakin si Jane at lahat ng mga kaibigan nito!

Sobrang ambisyosa ni Lily. Pagkatapos niyang makipag usap kay Marcus, dumiretso siya kaagad sa isang beauty parlor. Hindi naman nakakahinayang ang binayad niya dahil pagkatapos ng session niya ay lumabas siya ng parlor na may sobrang kinis na mukha. Hanggang ngayon ay naniniwala pa rin siya na dahil sa naging itsura niya noong nakaraan kung bak