Dahan-dahang hinawakan ni Avery ang mukha ni Elliot.

Nagulat siya na malamig ito.

Hindi naman ganun kalamig sa loob ng bahay nila pero siguro dahil malamig ang panahon, kailangan pa ring magkumot kapag natutulog sa gabi.

Kinumutan ni Avery si Eliot kaya medyo nagdikit ang mga mukha nila at umiwas siya kasi amoy alak ito.

Noong nakahiga na siya ulit, narinig niya na bigla itong nagsalita.

“Avery…magiging mabuting tatay ako… Pangako…”

Mahina lang ang boses nito kaya humarap siya rito pero nakita niyang nakapikit naman ito.

Mukhang nanaginip ito… Sa panaginip nito ay nangangako itong magiging mabuti itong tatay sa anak nila..

Nananiginip lang si Elliot, pero hindi napigilan ni Avery na maiyak.

Hindi naman siguro ito mananaginip ng ganun kung hindi rin yun ang iniisip nito, diba? Malamang masyado nitong inisip ang sinabi niya rito.

Na naniniwala siyang kaya nitong maging mabuting tatay.

Sa tuwing magsesend ang doktor ng bagong picture ng baby nila, sobrang saya nitong pin