“Bakit sa iisang kwarto kayo natulog?” Tanong ni Tammy.

Malikot talaga ang isip ni Tammy pagdating sa mga ganung bagay.

“Inabutan kami ng bagyo,” Sagot ni Avery. “Hindi ko naman siya pwedeng paalisin diba?”

“Ahhh…. So magkatabi kayong natulog? Bakit pumayag ka? Grabe, Avery! Hindi man lang siya nagpakahirap na suyuin ka ulit?! Wow! Salamat sa bagyo at nagkaayos kayo!”

Ilang segundo ring natigilan si Avery dahil hindi niya alam kung paano siya sasagot. “Walang nangyari sa amin! Ah… actually may ginawa siya…”

“Sinasabi ko na eh! Hindi talaga mapagkakatiwalaan yung lalaking yun…”

Sa tingin ni Avery ay hindi naiintindihan ni Tammy ang sitwasyon kaya nagmamadali siyang nagpaliwanag, “Tammy, sa tingin ko mali ang iniisip mo! Ah… hinugasan niya lang yung…paa ko…”

Ayaw na sanang sabihin ni Avery ang tungkol dito pero napressure siya sa nanlilisik na titig ni Tammy.

Hindi napigilan ni Tammy na matawa sa sinabi ni Avery, “Woooow! Parang gusto na talaga kitang sambahin, Mr. Foster! Hin