Tumawa si Ivy. "Hindi mo na kailangan sabihin 'yan sa'kin!"

Tumawa rin si Caspian. "Sige, sige! Maghintay ka lang sa hotel! Dadaan kami mamaya."

"Sige!"

Matapos tapusin ang tawag, lumingon si Caspian kay Lucas. "Hingan mo si Ivy ng mga tips mamaya. Ang pangit ng panlasa nating dalawa, mas magaling siyang pumili ng damit."

"Kailangan mo ba talagang gisingin siya ng ganitong kaaga?" tanong ni Lucas.

"Hindi galit si Ivy. Excited pa nga siya nung nalaman niyang magsho-shopping kami!"

"Hindi niya ipapakita kahit na galit siya," sagot ni Lucas.

"Hindi ganoon si Ivy! Tsaka hindi naman talaga ganoong kaaga! Maaring mataas ang estado niya sa buhay pero mabait ang ugali niya," sabi ni Caspian.

Tumahimik si Lucas at ibinalik ang kanyang atensyon sa kanyang pagkain.

Matapos ang almusal, hinila ni Caspian si Lucas papuntang hotel kung saan nag-stay si Ivy.

Nasa lobby si Ivy at lumapit sa kanila na may ngiti nang makita sila.

Inabot ni Lucas kay Ivy ang bag ng pagkain na ipinasalubong nil