“Ma, wag kang mataranta. Gagawa ako nang paraan para makakuha ng ganong pera.” Sabi ni Lily habang kinakagat niya ang kanyang labi.

“Paano? Paano ka makakakuha ng ganoon kalaking pera?” nag-aalala na si Samantha. “Isang daang milyong dolyar ‘yon! Dati, kaya mong kumita dahil sa livestreaming mo pero isang taon mo na ‘tong hindi nagagawa. Atsaka, ang mukha mo…”

Noong sinabi ‘yon ni Samantha, napansin niyang nag-iba ang ekspresyon ng mukha ni Lily at agad niyang napagtanto na mali ang nasabi niya.

Alam niyang nasaktan niya ang damdamin ng anak niya.

Hindi na ito pinansin ni Lily dahil magulo na ang isip niya. Matatag siya na hindi niya ibebenta ang mansyon. Subalit, kahit na humiram siya ng pera sa iba, walang magpapahiram sakanya dahil ang laki nito!

“Oo nga!” pumalakpak si Lily at agad na pumunta sa kwarto niya. May kinuha siyang kakaibang kahon galing sa cabinet niya.

Ang isang ginto na mukhang mamahalin at ang kasama nun ay isang pares ng crystal na sapatos. Ito ang Worship of