Tumayo si Zoran sa daanan papasok sa peach blossom forest para tingnan ang mga yapak na nakita ng kanilang mga maid. Nagkalat ang mga buhangin sa paligid kaya hindi nito malaman kung kay Darryl ba ang mga yapak na ito o hindi.

Papasok na sana siya sa gubat nang hilahin siya ng kaniyang mga tagasunod. Sinabi ng isa sa mga ito na, “Master, hindi po tayo sigurado kung si Darryl ba talaga ang pumasok sa gubat na iyon. Ano na po ang mangyayari sa sandaling hindi na po kayo makalabas sa gubat?”

Kumalma na rin si Zoran nang marinig niya ito at nagisip ng isang sandali. “Kumuha ka ng mga tao para bantayan ang lagusang ito sa lahat ng oras, “ utos nito, “Maghanap ka rin ng mga taong maghahanap kay Darryl sa labas ng mansyon.”

“Opo, Master.”

Napanghinaan dito nang husto ng loob si Zoran. Ayaw niyang maniwala na kay Darryl ang mga bakas ng yapak na ito pero itinuturo ng ibang mga detalye sa pagkawala ni Darryl na nakulong nga ang kaniyang inaanak sa gubat na ito.

Nakaramdam siya ng matinding