“Noong una ay nagawang sirain ni Matteo ang mukha ni Lily. Nagawa rin nitong linlangin si Ambrose para pagawayin kaming dalawa.” Hindi na nakontrol pa ni Darryl ang kaniyang emosyon nang maisip niya iyon.

Nanginig ang buong katawan ni Laura nang marinig niya iyon. “Wala akong pakialam sa pinagsasabi mo. Pinatay mo ang aking kapatid kaya dapat ka lang din mamatay!”

Nagpatuloy si Laura sa nanlalamig niyang pagsasalita. “Babae mo ang kasama mong nahuli namin kanina tama? Kung ganoon ay pareho ko kayong ipadadala sa impyerno ngayong araw.”

Dito na nila binitbit paabante si Jackie.

“Unahin ninyong patayin ang isang ito.” Sigaw ni Laura.

Naglakad paabante ang Six Tribulation Lords habang binubunot ang kanilang mga sandata. Lumapit sila para atakihin si Jackie.

Dito na nanginig ang buong katawan ni Jackie. Agad niyang sinabi sa mga ito na, “Hindi niyo po naintindihan ang mga nangyari. Wala po akong kahit na anong relasyon kay Darryl. Sa totoo lang ay itinuturing ko siyang kalaban. Matag