Pagkatapos ay tumingin si Zhang Jue sa kaniyang paligid hanggang sa tumama ang kaniyang paningin kay Susan. “Mayroon po akong magandang balita sa inyong lahat, Madam Carter. Mayroon po akong balita tungkol kay Darryl.”

Ano?

Agad na umingay ang buong main hall nang marinig nila iyon sa tindi ng pananabik na naramdaman ng lahat.

“Ano? Nasaan siya?”

“Sinasabi ko na nga bang ok lang si Darryl.”

“Sabihin mo na sa amin kung nasaan siya ngayon, Master Zhang.”

Hindi pa rin alam ng kahit na sino sa mga sandaling ito na bahagi ang bagay na iyon ng panlolokong ginagawa ni Zhang Jue sa kanila. Hindi rin nila alam na si Zhang Jue ang nagtayo ng Yellow Sky Trading na kumalat sa buong Nine Mainland. Hindi lang iyon dahil tuluyan na rin nitong nakontrol ang Endless Sky Organization. Mas malakas na ngayon ang kapangyarihan ni Zhang Jue kaysa sa kahit na anong sekta sa Nine Mainlands.

Tumawa si Zang Jue sa naging tanong sa kaniya ng mga ito. “Tatlong taon akong naglibot sa buong mundo. Nakita ko