Sino nga ba ang magaakala na gusto lang palang mamera ng lalaking may mahabang buhok habang iniisip na magagawa niyang brasuhin ang kahit na sino?

“Ano ang gusto kong mangyari? Bayaran mo siyempre ang ginawa ng batang iyan sa sasakyan ko!” Sigaw ng galit na lalaking may mahabang buhok.

Tumango si Darryl bago tumawa at sabihing, “Sige, sigurado akong aabutin ng isang libo ang pagpapapintura sa buo mong sasakyan. Sandali.”

Dito na kinuha ni Darryl ang kaniyang cellphone para magtransfer ng pera sa lalaki.

Siguradong tuturuan niya ng leksyon ang lalaking iyon kung sa ibang lugar lang ito nangyari.

Pero gustong magimbestiga ni Darryl sa Endless Sky Organization noong araw na iyon kaya ayaw na niya sanang magpaabala nang masyado sa lalaking may mahabang buhok.

At higit sa lahat, gusto ring kumuha ni Darryl ng impormasyon mula rito.

“Isang libo?”

Kumislap ang mga mata ng lalaki nang makita niyang makipagcooperate si Darryl. Malisyosong ngumiti ang lalaki at nanlalamig na sinabing, “I