Agad na bumagsak ang mukha ni Darryl noong marealize niya ito. Tumingin siya sa mga kampo at nakita ang daan daang mga bangkay ng Celestial Feather Rider sa paligid. Maliban dito ang pagkawala ng mismong hukbo ng North Moana. Mukhang niloko siya ni Zhang Jue para dalhin dito ang buong Union Army noong atakihin nito ang kampo ng Raksasa. At pgaktapos ay agad siyang aatras sa sandaling dumating si Darryl at hahayaan itong makipaglaban nang magisa sa Raksasa.

“Zhang Jue…” Nagsara nang husto ang mga kamao ni Darryl habang namumula ang kaniyang mga mata sa tindi ng kaniyang hinanakit. Kahit kailan talaga ay hindi nabigo ang mga ginagawang ito ni Zhang Jue na pamanghain siya. Sino nga ba ang magaakala na gagawa ito nang ganitong klase nang bagay sa mga panahong ito? Nagalit dito nang husto si Darryl habang desperadong iniisip na paatrasin ang Union Army pero huli na ang lahat dahil napasok na sa isang mainit na laban ang magkabilang panig.

Samantala, sumigaw nang malakas si Alaric habang n