Hindi ko lamang halos nakuha ang trono ni Hou Yi, pero nakulong ko rin si Chang Er. Pero hindi niya ako apparusahan? May punto ang hindi nito pagkagalit tungkol sa pagkuha ng lalaki sa kaniyang trono, pero ibang usapan na ang tungkol sa sitwasyon ni Chang Er.’

Hindi ito maintindihan ni Yang Jian.

Nang sandaling iyon ay naramdaman nitong hindi pamilyar ang ‘Hou Yi na nasa kaniyang harapan. Tila iba ang taong ito.

‘Hindi kaya’y impostor ang Hou Yi na nasa aking harapan?’ naisip nito.

Nang sandaling iyon ay nagkaroon ng matinding ideya si yang Jian. Napakatindi nito at pati siya ay matakot nang maisip iyon, pero matapos niya itong pag-isipang mabuti ay napagtanto ng lalaki na iyon lamang ang tangin paraan para maipaliwanag ang mga nangyari.

Kakiba ang kinikilos ng Kamahalan. Una ay hinayaan nitong umalis ang mga taong mula sa World Universe. Pagtapos ay pinatawad nito ang mga pagkakamali ni Yang Jian. Kung ito nga ang tunay na Hou Yi, dapat ay patay na ngayon ang mga taong mula sa W