Sa Kabilang banda.

Pumasok sa isang napaka habang panaginip si Darryl habang wala siyang malay. Walang tigil siyang hinabol kaya hindi niya magawang tumigil sa pagtakbo. Kinalaunan, dahan dahan na niyang iminulat ang kanyang mga mata.

Siya ay binati ng tanawin sa loob ng isang marangyang kuwarto.

“Darryl, gising ka na ba?”

Narinig ni Darryl and masiglang boses ni Lily, napagmasdan niyang namumula ang mga mata nito na tila ba umiiyak.

“Honey, bakit sobrang pula ng mga mata mo?” tanong ni Darryl habang naka ngiti. “Nag-alala ka ba na baka may nangyaring hindi maganda saakin? Halika, yakapin mo nga ako.”

Pinilit ngumiti ng nasasaktang si Darryl. Kahit na nagamot na ang mga sugat niya, napaka hapdi parin ng mga ito.

‘Buwiset. Hindi ako makapaniwalang nabaril ako ilang araw lamang ang pagitan,’ Sa isip-isip ni Darryl.

Namula ang mga pisngi ni Lily at nahihiyang lumayo nang bahagya. “Hindi… Hindi ako nag-alala sayo. Hindi nga ako umiyak manlang!”

Hindi ipinakita ni Lily ang tunay n