Tinatawag ni Clifford ang kaniyang sarili na successful sa huli nilang class reunion, pero mukhang nagkaroon lang pala ito ng isang mayamang ninang.

“Ano sa tingin mo? Ok ba ang ibinigay na regalo ng aking ninang?” Nagmamalaking tumingin si Clifford kay Darryl na para bang siya ang may hawak ng upper hand sa kanilang dalawa.

“Maganda nga ang regalo niyang ito, pero kahit na gaano pa ito kamahal o kaganda, hindi pa rin ito nagmula sa iyo. Kaya ano ang dapat mong ipagmalaki rito? Na nagbigay ng isang mamahaling regalo ang iyong ninang? Naubos na ba ang natitirang hiya sa katawan mo?” Ngiti ni Darryl.

Sa mga sandaling ito, agad na napatingin nang husto ang lahat kay Clifford.

Kahit na ano pang klase ng pagyayabang ang gawin ng binatang ito, isa pa rin iyang regalo na nagmula sa kaniyang ninang.

“Buwiset!” Mura ni Clifford sa kaniyang sarili.

Matapos mapansin ang tingin ng lahat sa kaniya, agad na nakaramdam ng galit si Clifford, pero hindi niya ito ipinakita sa kahit na sino. “Sino