Tila nakadikit ang mga titig ng Eldest Dragon kay Darryl, takot itong nagtanong. “Anong pinainom mo sa amin?”

Hindi mapakali ang iba pang mga dragon.

‘Hindi kami nito bibigyan nang hindi makakasama para sa amin!’

Inasar sila ni Darryl. “Oh, hindi ba’t wala kayong kinatatakutan? Bakit? Sa wakas ba ay kinabahan din kayo?”

Mas lalong naging walang awa ang tunog ni Darryl. “Pinainom ko sa inyo ang Heaven Cult Elixir. Hindi niyo pa ba narinig ito?”

“Heaven Cult Elixir?” Nagpalitan ng madidilim na tinginan ang Four Dragons at Four Phoenixes. Mayroong kaunting takot ang mga ito sa mga maaaring mangyari.

Ang Heaven Cult Elixir ang noo’y ginamit ng Grandmaster Heaven Cult para makontrol nito ang kaniyang mga tagasunod. Si Darryl na lamang ang nag-iisang kaya itong gawin.

Hindi pa ito kailanman narinig ng Four Dragons at Four Phoenixes, nabahala ang mga ito dahil wala silang alam patungkol sa bagay na ito.

“Kayo ay mabubulok at mamamatay sa loob ng isang taon kapag hindi ninyo nah