”Tanging ang Universal Hospital lang ang may problema. Ayos lang ang lahat sa ngayon.”

“Mabuti ‘yan.” Nakahinga ng maluwag si Maxine.

“Oo nga pala, sino ba talaga si Mr. Gabriel?” Ang tanong ni James.

Umiling si Maxine. “Hindi ko rin alam. Hindi ko rin alam kung anong buong pangalan niya. Narinig ko lang kay lolo na napakalakas niya. Nasa sixth rank na siya. Hindi ko alam kung naabot na ba niya ang seventh rank o hindi pa.”

Nagdilim ang ekspresyon ni James. Hindi niya inasahan na ganun kalakas si Mr. Gabriel. Nanatili siyang tahimik at nag-isip.

Pagkatapos nilang maghintay ng halos dalawang oras, sumakay sila sa eroplano at bumalik sa Capital. Alasais na ng umaga noong dumating sila.

Habang naglalakad sila palabas ng paliparan, nagtanong si James, “Babalik na ba tayo agad sa mga Caden?”

“Oo.” Tumango si Maxine. “‘Yun ang plano.”

Pagkatapos, tumawag siya ng taxi, at sumakay silang dalawa.

Bandang ala syete ng umaga, nakarating sila sa front gate ng mansyon ng mga Caden. Mar