Tumango si Mr. Lee at sinabi, ‘Mabuti naman at parating na siya. Lalo na, isa itong rebolusyon, at magkakaroon ng mga sakripisyo.”

Wala nang iba pang sinabi si Gloom. Pati din ang Hari, na tinuon ang kanyang tingin sa may chessboard.

Ilang minuto at segundo ang lumipas.

Sa labas…

Isang malaking bilang ng mga sasakyan ng militar ang palapit. Ilan sa mga armadong sundalo ng Red Flame Army ay lumabas na sa kanilang mga sasakyan at pinalibutan ang palasyo.

May mga guwardiya sa palasyo. Sila ay mga miyembro ng Forbidden Army ng Hari at mga bodyguards din niya.

Nang nakalapit ang Red Flame Army, isang lalaki ang lumapit at malamig na sinabi, “Ano to? Hindi niyo ba alam kung anong lugar to? Walang sinuman ang pwedeng lumapit dito na may hawak na baril. Saang departamento kayo kabilang?”

Gayunpaman, hindi nagsalita ang heneral ng Red Flame Army.

Pinalibutan ng Red Flame Army ang lokasyon ngunit wala pang ginagawang anumang aksyon. Naghihintay sila—naghihintay sila sa utos ng Emperor