’Hindi kaya si James ang may pakana nito?’

Sumagi ang bagay na ito sa kanyang isipan.

Ilang segundo ang lumipas, itinanggi niya ang posibilidad na ito. Lantang gulay na si James at wala nang awtoridad. Hindi nito magagawa ang bagay na ito. Isa pa, ang lahat ng mga maimpluwensyang opisyal sa Capital ay gusto siyang patayin at kahit na kailan ay hindi siya tutulungan.

Wala naman din dahilan si James para tulungan si Blake.

“Ipagpatuloy niyo ang pag-iimbestiga at alamin niyo ang bagay na ito. Isa pa, magpadala kayo ng wanted order para kay Blake. Kailangan natin siyang mahuli muli.”

“Masusunod!” Tumango ang mga heneral.

…

Ngayong araw na ito, malakas ang sikat ng araw.

Bumangon sa kama si James, kumain, at pinakiusapan si Quincy na itulak siya sa labas ng sa gayon ay makapagpaaraw siya.

“Saan tayo ngayon pupunta, James?”

Habang tulak-tulak ang wheelchair ni James sa kalsada, hindi mapigilan na itanong ito ni Quincy.

Dalawang oras na siyang tinutulak nito. Wala pa siyang ibang