Bakit niya kailangan ibuwis ang buhay niya para lang sa isang bagay na wala naman siyang kinalaman?

Ang mga bigatin na nanonood sa ilalim ng stage ay nanatiling tahimik. Wala sa kanila ang lumapit para ipahiwatig ang kanilang opinyon tungkol sa bagay na ito. Pati si Jay ay walang sinabi.

“Lolo, may masama bang mangyayari?” Aligagang tanong ni Christine. “Ang kakayahan ni Jonathan sa medisina ay mas magaling pa kaysa sa sayo. Kapag sinabi niya na walang lunas sa kanyang lason, totoo yun.”

Na may madilim na ekspresyon sa kanyang mukha, umiling si Jay. “Hindi ko alam.”

Iminungkahi ni Christine, “Hindi ba dapat pigilan na natin to? Magkakagulo ang lahat kapag talagang may namatayLalo na, ang buong bansa… Hindi… Ang buong mundo ay pinapanood ito ngayon.”

Gusto na ni Jay na tapusin ang kalokohan na to.

Subalit, ang kanyang pride ang pumipigil sa kanya.

Ang pagpapahinto sa kompetisyon ay katumbas na din ng pagsuko. Nangangahulugan ito na kinikilala nila ang Goryeon Medicine bila