Matapos masiguro na totoo ang sinasabi ng Sword Master, tumalikod si Walganus at bumalik sa Yanina Peak para makausap si Yanina para sa susunod nilang gagawin.

“Walganus, ang Sangria ay nilulusob ng mga hukbo ng Korinth. Kung magpapatuloy ito, mauubos ang Sangria sa loob ng ilang taon. Sa oras na bumagsak ang Sangria, magiging balakid ito sa paghahanap mo sa Imperial Jade Seal at Crepe Myrtle Divine Sword.”

Nababalisa si Yanina.

Samantala, walang pakielam na sinabi ni Walganus, “Anong plano mo, kung ganoon?”

Mukhang takot si Yanina kay Walganus. Maingat niyang sinabi, “Sa tingin ko dapat natin ayusin muna ang sitwasyon ng Sangria bago hanapin ang Imperial Jade Seal at Crepe Myrtle Divine Sword. Sapagkat nakakulong ang Empress, ang prioridad natin ay dapat humanap ng papalit sa kanya.”

Sinulyapan siya ni Walganus at malamig na sinabi, “Hindi ka ba masyadong desperada para maging Empress?”

Agad na sinabi ni Yanina, “Walganus, wala akong interes sa pagiging Empress. Naniniwala ako na kail