Nanalo si James sa una niyang laban ng walang kahirap-hirap.

Tinalo niya ang kanyang kalaban gamit lamang ng kanyang pisikal na lakas.

Nagulat ang mga manonood sa pambihira niyang lakas.

Pagkatapos, naghintay siya.

Sunud-sunod na dinaos ang mga sumunod na laban ng walang problema.

Mabilis na dumaan ang araw.

Buong araw, nilabanan ng higit sa isang daang mga kalahok ang isa’t isa. Sa pagtatapos ng araw, tapos nang lumaban ang lahat.

Gaya ng inaasahan, si Quintina, ang Grand Supernatural ng Divinity Sect, ang disipulo ng Infernal Emperor, at ang disipulo ni Emperor Tamerlan, ay nanalo lahat sa kanilang mga laban.

Pagkatapos ng mga laban sa unang araw, pinapagpahinga ang mga kalahok buong gabi dahil gaganapin ang susunod na round kinabukasan.

Bumalik si James sa kwarto niya upang magpahinga.

Kinagabihan, nagkita si James at si Yoan sa courtyard.

Ang sabi ni Yoan, “Ngayong araw, dalawang grupo ang binuo. Dahil ang grupo mo ang pumili ng mga makakalaban niyo ngayong araw, kayo na