Noong nakapasok sila sa siyudad, nakahanap ng inn ang dalawa kung saan sila pansamantalang tutuloy.

Nakaupos si James sa isang upuan sa loob ng kwarto. Samantala, nagsalin si Laelia ng tsaa para sa kanya.

“James, kailan tayo pupunta sa mansyon ng City Lord upang makita si Cloyd?”

Hindi na alam ni Laelia ang gagawin niya. Maraming araw na ang lumipas, ngunit hindi pa rin siya sigurado kung ano na ang kalagayan ng kanyang ama at ibang mga kamag-anak. Desperado siyang makakuha ng impomasyon tungkol sa Dark Keep at sa kondisyon ng kanyang pamilya.

“Pupunta tayo doon pagkatapos nating kumain.”

Tumayo si James at naglakad siya palabas ng pinto.

Nagtungo siya sa unang palapag ng inn at umorder siya ng ilang putahe. Pagkatapos, masaya niyang kinain ang mga ito.

Umupo si Laelia sa tabi niya ngunit wala siyang ganang kumain.

Maraming tao ang kumakain sa loob ng labi ng inn.

“Narinig ko na ang capital ng Tabal Empire, ang Tabalham, ay nawasak, at milyun-milyong tao ang pinaslang.”

“Mhm.