Medyo kani-kanina pa nanonood si James mula sa malaking puno.

Hindi naman masyadong malakas ang mga cultivator na naka-itim na balabal. Base sa aura nila, nasa Seventh o Eight Inner Gate lang sila. Kapag naharap siya sa mga ganitong lebel, kayang-kaya niya silang patayin.

Iyon ang dahilan kung bakit siya nagtangkang ipakita ang sarili niya.

Tumayo siya sa harapan ng ilang mga gwardya habang nakatingin sa taong naka-itim na balabal at nakasuot ng pulang maskara, sabay simpleng nagsabi, "Sinusubukan mong patayin ang bawat isa sa kanila. Hindi ba masyado namang malupit yun?"

"Problema ito ng Dark Keep. Gusto mo bang maging kalaban ng Dark Keep?" nagsalita ulit ang cultivator na nakapulang maskara.

Hindi niya matukoy kung gaano kalakas si James kaya binanggit niya ang grupong pinanggalingan niya sa pag-asang matakot si James. Gayunpaman, nagkamali siya. Hindi mula sa mundong ito si James, nagmula siya sa Earth, sa labas nito. Hindi pa niya naririnig itong tinatawag nilang Dark Ke