Lalong lumakas ang kagustuhan ng Son of Heaven na patayin si James. Kahit gaano pa kalakas o katibay si James, isa lang ang ang katapusan ng laban na ito—ang kamatayan niya!

Maraming mga Outsider at martial artist ng Earth ang nagtipon sa paligid ng bundok.

Matapos magpalitan ng atake ng Son of Heaven at ni James, nagkagulo sila.

“B-Bakit ang lakas ni James?”

“Ang akala ko mapapatay siya ng Son of Heaven ng isang atake lang. Hindi ko inaasahan na mahaharangan niya ito at hindi magtatamo ng pinsala. Bukod pa doon, napaatras lang siya ng kaunti matapos magkasagupa ang mga espada nila.”

“Iyan ang Son of Heaven na pinag-uusapan natin! Isa siyang Herculean Second Layer!”

Maraming mga Outsider ang nagulat matapos makita ang palitan ng atake.

Samantala, ang Omniscient Deity ay nakahinga ng maluwag matapos niya magawang harangan ang atake ng Son of Heaven. Habang nakangiti ng kaunti, nagsalita siya, “Ang bilis lumakas ng batang ito. Ilang taon pa lang ang lumipas, pero kaya na niyang makipagsa