Hindi na gustong makipaglaban ng Black Eagle King kay James. Nang unang lumitaw si James, madali niya siyang nasusugatan. Ngayon, kahit na gamitin niya ang buong lakas niya, mababaw na galos lang ang naibibigay niya sa katawan niya.

"Hindi, hindi, gusto kong makipaglaban."

Gustong-gusto ni James na magpatuloy na lumaban.

Kakasimula pa lang niya. Kung magpapatuloy pa sila ng dalawang linggo, tiyak na makakarating sa Supernatural stage ang lakas ng katawan niya. Sa panahong iyon, kahit na matapat siya laban sa isang Supernatural, magagamit niya lang ang pisikal na kakayahan niya para magtagumpay.

"Hindi na talaga ako lalaban."

Mapait na ngumiti ang Black Eagle King at nagsabi, "Sige, aaminin kong takot ako sa'yo. Hindi ba gusto mo kong palayasin mula sa Mount Haven? Aalis na ko sa lugar na'to."

"Kung ganun, may itatanong ako sa'yo. Sagutin mo ko nang tapat kung alam mo ang makabubuti sa'yo."

"Magtanong ka lang."

Basta't hindi sila gagamit ng dahas, handang gawin ng