Nang nakita niyang ligtas si Thea, nakahinga nang maluwag si Thomas. Pagkatapos, lumapit siya sa kanya at nagtanong, "Ayos ka lang ba, Thea?"

Bahagyang umiling si Thea at nagsabing, "Ayos lang ako."

"Ang Prince of Orchid Mountain ba ang nagligtas sa'yo?" Nagtatakang tanong ni Thomas.

Bahagyang tumango si Thea at nagsabing, "Oo, nahanap niya ako."

Pagkatapos niyang magsalita, lumingon siya kay Sky na mukhang dismayado. Nasaksihan niya ang laban mula sa malayo. Hindi inasahan ni Thea na sa sobrang lakas ni Langston na maski si Sky, na isang ninth-rank grandmaster, ay walang laban sa kanya.

Tinignan ni Sky si Thea nang may madilim na ekspresyon. Sa umpisa, binalak niyang dukutin si Thea para pilitin si James na sumunod sa kanya. Gayunpaman, hindi niya inasahang lilitaw sina Thomas at Langston. Hindi siya nagtangkang pigilan si Thea sa pag-alis.

"Layas."

Pagkatapos niyang sabihin iyon, tumalikod siya para umalis.

Sabi ni Thomas, "Dahil maayos na ang lahat ngayon, dapa